เฮ็ดเป็นกับข้าวกินข้าวหลาย เฮ็ดเป็นกับแกล้มบ่สมควรปานใด๋ ยกแก้วดู๋ เปลือง อิอิ
คั่วกลิ้งกระดูกหมูอ่อนจ้า มาเบิ่งเครื่องปรุงโลดเนาะ ขอบอกไว้ก่อนเด้อว่าเครื่องปรุงบ่ครบ หายากจ้า...
เตรียม โขลกพริกแห้งใส่ตามใจปากโลดจ้า ใส่เกลือเม็ด เม็ดพริกไทยดำลงไปนำ แหลกง่ายดี
ซอยตะไคร้ ข่า โขลกรวมกัน ใส่กระเทียม ขมิ้นนิดหน่อย ตำๆ แล้วใส่กะปิ โขลกให้เข้ากัน
เตรียมสับกระดูกหมูอ่อน บ่ต้องละเอียดมาก มักหย่ำเนาะ ซอยใบมะกรูด เม็ดพริกไทยอ่อน
น้ำมันสำหรับผัด ซีอิ๊วขาว น้ำตาลปรุงรส....
ที่ติ๋มเฮ็ดหน้าตาประมาณนี่หละ...เครื่องปรุง
ตั้งกระทะ ใส่น้ำมัน ผัดพริกแกงจนหอมใส่หมู ผัดจนเกือบสุก ปรุงรสใส่ซีอิ๊วขาว น้ำตาล
เติมน้ำนิดหน่อย...คั่วต่อจนแห้ง ชิมเบิ่ง ขาดหยังกะเติมโลดจ้า พอรสดีแล้วใส่ใบมะกรูด พริกไทยอ่อน ปิดไฟ
คั่งกลิ้งไปกลิ้งมา2เทือ...ตักใส่จาน...ง่ายบ่พี่น้อง....
อย่าลืมหุงข้าวไว้ก่อนลงมือเฮ็ดกับข้าวเด้อจ้า
มาเด้อพี่น้องมากินข้าวแดงนำกัน ตักแจกผู้ละจาน2จาน แล้วมื้อหละมื้อนี่กะดาย....
ลืมบอกผู้ใด๋บ่กินเนื้อหมู ใช้เนื้อวัว เนื้อไก่แทนกะได้เด้อจ้า....
ไม่มีความคิดเห็น:
แสดงความคิดเห็น